Giovanni Cerutti/Canson/Col famos paìs 'd Cocagna

Da Wikisource.
Jump to navigation Jump to search

Artorn


COL FAMOS PAÌS D COCAGNA[modifiché]

1734, parole e musica di Padre Ignazio Isler

Il “Paese di Cuccagna” da tanto tempo è entrato nell’immaginario collettivo dei piemontesi, soprattutto di coloro che faticavano a mettere insieme il pranzo con la cena. E allora, ecco la fuga nel paese immaginario di Cuccagna, dove chi vuole poltrire lo può fare, perché non occorre lavorare per guadagnarsi il cibo da mangiare. Senza fatica si trovano a portata di mano formaggi, salumi, pasta fresca e capponi. Ma esiste la strada che porta al Paese di Cuccagna?! Quando eravamo ragazzi, nelle feste di paese c’era, invece, l’albero della Cuccagna: chi riusciva a salire a forza di braccia fino alla cima del lungo palo, poteva prendere qualcosa di buono come premio! (L’edizione originale è fatta di 13 strofe).


Col famos paìs 'd cocagna a l’é peui un gran paìs,
gnun lavora la campagna, pur a smija 'n paradis;
lì, chi veul fé 'l gargh, lo fassa; j’é pa gnun ch’a lo ambarassa;
fà nen bsògn ëd travajé për vagnesse da mangé.

Le strà a son tute stërnìe con 'd rubiòle e 'd piasentin,
e le pèrtie a son guarnìe con 'd sautisse e con 'd bodin;
se vëdèisse le ciovende, lòlì sì ch’a l’é 'n bel rende!
Fan 'd salam tant dësformà, ch’ògni doi fan la somà.

Ògni sman-a a pieuv na vòta ëd fidej e 'd macaron,
e-lo pa 'na bela bòta, sempre aveìne dij baron!
Fà pa bsògn d’acomodéje, j’é la pen-a mach 'd mangéje:
son già bej e anformagià, con sò bur e la sërvlà.

An fiocand, a-i ven 'd lasagne, larghe tre travèrs ëd dil,
e 'd michëtte a gran cavagne, con ëd bon maron candì.
Quand a-i ven, peui, la tempesta, tuti, anlora, a fan gran festa,
ch’a l’é tuta mach 'd bombon, d’ale e 'd cheusse 'd gròss capon.

'D vòte mai për gargarìa, i volèisse sté a durmì,
sté sigur, gnun av dësvìa, fusslo pura gròss mesdì.
Acogià ch’i sìe 'nt la stansa, ronfé pura a chërpa pansa:
l’é la mòda dël paìs; ognun fà coma j’é viz.

Se quaichdun a veul andéje, ven-a sì a 'mparé la strà,
ma a l’é còsa da penséje, ch’a l’é pa 'na folairà;

përchè a venta sempre core për des agn e quìndes ore,
ant ël dur e un pò 'nt ël mòl, ant la pàuta fin-a al còl!