Giovanni Cerutti/Canson/An Turin a-i é na veja
AN TURIN A-I È NA VEJA[modifiché]
A Torino, una vecchia sdentata vorrebbe sposare un bel giovane. Il prete, chiamato per celebrare il matrimonio, guarda in bocca la vecchia: vede che ha solamente tre denti in cattivo stato! e allora: “Vattene via, vecchia balorda; va a sposarti a casa del diavolo!”.
An Turin a-i è na veja, pon, pon, un-a veja sensa dent; un-a veja sensa dent; pon, pon.
A l’é 'ndaita su la piassa, pon, pon, l’ha dàit man al pì galant;
l’ha dàit man al pì galant; pon, pon.
L’ha menalo dnans al prèive, pon, pon, “S’im veuleisse 'n pò sposé”;
“S’im veuleisse 'n pò sposé”; pon, pon.
E lo prèive a-j guarda 'n boca, pon, pon, j’ha trovà mach pì tre dent;
j’ha trovà mach pì tre dent; pon, pon.
Un a ciòca, l’àutr a lòcia, pon, pon, l’àutr a fà coma fà 'l vent;
l’àutr a fà coma fà 'l vent; pon, pon.
“Tira via, veja balorda!, pon pon, Va a sposete a ca dël diav”;
“Va a sposete a ca dël diav”; pon, pon.