Poesia 'd montagna[modifiché]

Mi i torno a ti, ò poesia 'd montagna,
e coma 'l temp passà mi veuj canté
le sime, 'l sol e tut l’asur dël cel.
Sorid-me ancora, ò poesia dël cheur,
ch’a son fiorì dë viòle ij pra dël cel
e j’eve a l’han ël gust dla fiòca.
Passa 'nt ël cel na nìvola legera
e 'nt un laghèt ëd verdaram së specio
le rame dij sapin e la rochera,
e giù tut longh la val e 'l giàun dij camp
a rijo ij bluèt an mes jë spi dël gran,
mi torno a ti, ò poesia 'd montagna.