Giovanna Giuglard Richetto/Lor

Da Wikisource.
Jump to navigation Jump to search

Artorn


Lor[modifiché]

I-j sento farfujé 'd matin bonora
parèj dij passaròt andrinta 'l nì
e quand a deurvo j'euj, o gnanca 'ncora,
a veulo già conòsse tut l'avnì.

Na lus ëspalìa a intra da la fnestra
ma mi i spalanco j'ante al sol d'avril:
sparisso ij seugn e j'ombre, ...mach a-i resta
spantià 'n sij sò cussin n'odor sutil...

Përfum dij rissolin ëd doe testin-e
ch'as lasso pen-a pe-a dëscutì
përfum ëd boche lëcche e birichin-e
che gnanca 'd neuit a peulo nen ciutì.

Ansem a slongo 'l pass giù për la leja
a-i riva apress an corsa n'àutr amis,
speransa d'un doman... cara maraja...
d'an sël cancél mè sguard a.j benediss!...