Giorgio Maria Robatto/Rondel për na magistra
Rondel për na magistra[modifiché]
Passaròt an mes ai cit
con toa bionda testolin-a
gasojand con toa vosin-a
't ses për mi pì che l'anvit.
Con soris da farfojina
anciarmand dal prim achit,
la toa bionda testolin-a
a virola an mes ai cit.
Come càndia freidolin-a
't ses dël pra ël prim argit,
nivolëtta rissolin-a
con toa bionda testolin-a
't ses na fior an mes ai cit.