Gioanin Magnani/N'amis

Artorn

---

N'amis

S'it sente 'n gola e 'n cheur tut ël torment
dla vita amèra, sporz-je ël tò bicer!
It peule ampinilo an creus dij sentiment
ch'a quato d'eva ciàira un òmo ver.

Na stissa d'amicissia për ij làver
chërpà e sech, na frisa 'd comprension
për bagné ij tò sagrin pì pòver,
n'orissi^[1] 'd bin për lavé tò gròss magon.

L'eva sclinta a së spantia con amor
për ampinì - nen mach cola scodela -
ma 'l mar pì grand dle pen-e e dël dolor.

Të smijerà d'artrové la vita bela
sporzanda 'l tò bicer a col dotor
ch'a veul mach un soris come parcela!

Nòte

1. it. vento impetuoso, bufera