Gioanin Costamagna/Gioanin ël fré

Artorn

---

Gioanin ël fré

Con an testa ’n bel capel,
tnaje, pinse e ’n bel martel.

Ancuso, fòrgia e ’n pòch ëd carbon,
mi tiro su dij travajon.

Faussëtte, rastej e vanghe,
a son atrass për le Langhe.

Ël canal che l’hai davzin,
chiel am fà giré ’l mulin.

An dà fòrsa e moviment,
ël mè maj a bat content.

Ël fer ch’a l’é peui dur,
mi lo piego come ’l bur.

Con la fòrsa, l’eva, ël feu,
un a fà còs ch’a peu.

E con ij travaj che son andà a fé,
l’han batesame Gioanin ël fré