Gianni Biglia/Turno da nòcc
Turno da nòcc
[modifiché]L'è stacc longa la nòcc, sensa 'n momént
par pié na mica o fete na fumà:
dèss at ritòrne, su l'asfalt bagnò
at vai con pass astrach e j'eucc losént.
'T pend da na part na bòrsa da scolé
a 'n pò sformà dla bota e 'l raminin,
na bòrsa frosta 'nco dal matalin
cho dès l'è grand e l'è lontan laoré.
Arciòca 'n campanin mache par ti...
"Chissà se 'l mat ancheuj la scrivarà...".
A l'é na vita ormai ch'at fai sa stra,
ch'a t'ei mach n'ombra 'ntant ch'a sponta 'l dì.