Gianni Biglia/La Pinòta
La Pinòta[modifiché]
Set-te quì, chi veui paghé
na godua mé ch'a guà:
'ncoeui l'è 'l neus aniversare
da trant'agn soma maria'
quindi beif e pensghe più.
"La Pinòta chi 'ngh'à sei,
forsa Jaco portno 'n sebar
e s'l'é bon l'è copiù mei!"
"La Nineta sul puntil...."
Al va giù ch'a l'è 'n piasì!
Ti Pinòta 't dise gnente?
beif che cost l'è tutt par tì
e poeui dòp nu ciam ad l'àut:
a t'am varde com dij ogiun
chi'ngah dint tute ja steile...
beif Pinòta ch'a l'é bon!
Via la man chi sversa giù
che la vita l'è 'n pasagg!
Tei tengiute la camisa?
At minzipie 'ndè 'n viagg?
Conta 'npo' quanc die chi 'ngoeu
'ntu sta man chi sun mostrà?
què ch'at dise? na dunsena?
tei già facc la rusumà !
't sai chi soma' 1a canté,
dai Pinòta 'ncu 'n golun
ch'al va giù tamme 'l rosòlio
e 'l disgropa 'l gardion
"La Nineta sul puntil
sul puntil di mille rose
la condiva cun l'asil
ij basin dal caciador
o Nineta butno poch
che se no vuol far l'amore…"
Dai Pinòta cantno 'n tòch
che poeui dopo 'nduma cà.
"Forsa Jaco, porta 'l cont
chi pagoma 'l noeus dover...
marca, marca sun col libar...
tant lu sach ch'a tei sincer !
Dès Pinòta avanti mars!
Qué ch'at fai lì'tncuigià?
't vughe nen ch'at bagne ij sòcle ?
specia 'dése 'ntla contrà !
Su che tucc it vardo proeu:
tente driccia, stà visin,
varda 'l Pero mè ch'al ghigna...
"Ghigna ghigna , curnalin.!"
"La Nineta sul puntil….."
tei mangià 'nca cigulòt !
su respira l'aria fresca,
e camina ch' lè mesbòt !
Oplalai…! Si 'gh'fiss nen mì
At sarie giù slonga !
què ch'a l'è ch'at disbotune?
què ch' at mostre 'n més la strà ?
Meno male ch'a' nghé 'nson !
Pogg-te qui, tacà 'l cantun,
Pij la ciaf sota la preia...
òrrcu faus, ma fa tension,
tei 'npinime 'nca 'l capel…!
Fa che 'ndé butete giù
che mi 'ntant i ser la crava
dì i tanie e pensghe più.
"La Nineta sul puntil…
Dai Pinòta. fame 'l post...
fame nen girè 'n mudanda...
ecco, brava, Paternòst...
Ma Pinòta, lassme sté.....
at sai bé che mi son vecc...
buta vòrdo s' tafanari
'ch'a l'ambròia tutt al lecc!
'ngoeu pu mia disdott agn!
i 'ngoeu l'ernia, 'ngoeu j'asìn
am viròla semp la ventre ….
Las-lo sté 's povro Giuspin!
Oh, ma ' nsoma, tirte 'nlà !
tei mandame sul comò!
i 'nghoeu i pei dinta 'ntla tola!
ma che fombra, varda 'npo'!
Di i tanie, su, rispond:
San Giusepp... smòrsa là lum
't voghe nen ch'à manca l'oèule..
bofa 'n pressa ch'a fa fum !
San Luis dame na man
che doman son da fenè
T' sai Pinòta che i castegne....
la dorm; già, lasumla stè !
Sant'Antone dal porcel
tenme vòrdo e digurdì
San Carlin suma facc Ciòca…
par al rest dés pensghe Ti!