Gianni Biglia/Beata gioventù

Da Wikisource.
Jump to navigation Jump to search

Artorn


Beata gioventù[modifiché]

Am disiva ‘l barba Cèco
che ‘ntla vita l’important
qualsia ròba ‘t deve fé
l’è sèmp vèi da discambié.
Con an cènt mila tutt tacà
tirà fòr da disgenà
it rispèto, it dan dal voi,
a téi iun ca l’è rivà,
ma s’at mosse ma monèia
e tla conte con doi dì
par pagura da sbajé
a téi ma ‘npovro paltré
l’è già tant s’it dan dal ti…
Tamme i sot a l’è la vita…..
Quant téi giovo e digordì
‘ngai bondansa d’energia,
d’ocasiun, ëd fantasia,
basta mach vèi vòia da fé
t’angai sèmp da discambié:
ma quant l’è ca tei vègiot
e ormai at resta ‘n man
na munèia svalutà,
fa i teui cont prima da spènde,
fa i teui cont e faje bèn….
gnanca l’Euro ‘t salva nèn….