Gianfranco Baron/Ven-e vej a l'é na fortun-a

Ven-e vej a l'é na fortun-a...

Ho..ch' endërmage, a l'é 'ndaje stòrt,
a-j mancava pochi mèis a rivè a sent
li davanti sla bacheca ai tilëtt dij mòrt
còst-sì a l'é 'l dëscors en boca a la gent.

Ora iv vlo conto Mi, ch'i son si pendù
coma ch'a a l'é costa storia verament,
për fè 'n pòch d' informassion ai susnù
ch'a pènso ch'a a sia bel rivè ai sent.

Mbelelì piantà 'n tël let a vëdde 'l sofit
o sla cadrega con le roe coma 'n ciciù
a l'é pa bel se it varde pa 'l mond da drit
e at và bin se t'arcòrde pa quand' jere sviciù.

Lo scrivo adess coma a fussa 'n testament
se për antlora i rasonèrai pa pi con la ment.