Gianfranco Baron/Strach coma 'n aso
Strach coma 'n aso
[modifiché]Ël cambiament dël mond a l'é na realtà
col ch'a l'era pi furb a l'é vnu 'n borich,
ij sòld a son la misura dle toe capacità
e, ëdcò sensa studié it peule ven-e rich.
Guardeve bin dantorn e feve 'n opinion
a l'é pa con la fatiga ch'as fà rivolossion.
E sòn, ij'aso ch'a l'han le antenne drite,
da 'n pess, a l'han capilo 'l cambiament,
a-i lasso volentè 'l sòi bast për le scrite
e as lamento pa ch'a servo d'aredament.
Adess a braja fòrt quasi con l'istess ton,
ma content coma a canteissa na canson.
Alora venta cambié nòm quand it ses strach
pa pì déje la colpa a l'aso, ma dìte”falabrach”