Gianfranco Baron/Richësse fàusse

Artorn

---

Richësse fàusse

Richëssa fàussa,a l'é tut en bordel
andoa as dësmentio, ij veri valor,
anans parèj, noi andòma 'd rabel
sa a l'é pa già tard cambioma dotor
riceta neuva, për ritorné andaréra,
forse a-i sarà, ora në smia pa vera.

Për avej semper ëd pi l'òm a travaja
a peul pa perde temp ant le relassion
a spua 'd sangh e a mangia la paja
ma a venta felo, a l'é l' ambission,
magara për avej na vitura pi longa
opura 'nt cà për cambié la sislonga.

Fòra a pieuv, e le stra a son deserte
a-i passo slandià, mach ëd viture
Mi darè a-i véder a brass conserte
i vardo 'l mond, ch'a cambià misure.
Fòra a fà bel, deserte a son le stra
a-i passo 'd viture ancor pi slandià.

Mentre l'òm, ch'a travaja e a travaja
as sara 'n soa greuja e mangia la paja.