Gianfranco Baron/Quand che
Quand che...
[modifiché]Quandi che ël tò cheur at ciama,
it peule scotelo, o fè finta 'd gnente
magari at ven ëd dëstissè cola fiama
ma chiel, a bat fòrt për fesse sente.
Pòver cheur ch'a l'ha già visne tante
gòj e dolor en costa vita ch'at passa
e j'euj ch'am luso 'd vision distante
përchè na vita veuida a l'é lòn ch'a lassa.
Quand ch'it chërde che tut a sia finì,
e sj'onde dij ricòrd ij magon ad ven-o
për pa pì lassete sgnachè 'l tò avnì,
anvisca la speransa a l'é paure ch'at ten-o.
Le paure a son coma dj' oslet sla rama,
avej 'l coragi, quand ël cheur at ciama.