Gianfranco Baron/Poesìa për Ti e Mi

Poesìa per Ti e Mi

A l'é na poesìa pròpi për Ti
comoda li sël tò telefonin
për capì, am serv ëdcò a Mi
a venta lesìla, pian pianin,
a parla a tuti ij piemonteis
ch'a l'han a cheur le soe rèis.

Rèis ëd na lenga ch'a spariss,
le colpe a comenso da lontan
noi baròt e l'oma butà d'ardriss
parland ai nòstri fieuj l'italian
chërdand den vantagi a scòla
ma s'it të studie pa 't restè badòla.

Ora 'd rimedi a-i na son pa tanti
le vache a scapo as sara la stala
a resto le nostalgìe a tuti quanti
pòvra lenga ij l'oma maltratala.

Alora se it veule fè 'n coment
dovra nòstra parlada abandonà
at tornerà ancora ant la ment
na spluva dë speransa dësgenà.