Gianfranco Baron/Pianté n'erbo

Pianté n'erbo

Quand le primavere at pejso sle spale
se at ven veuja 'd tiré ij rem en barca
prima ch'it monté sl' ultima bisarca
fà 'na cantada coma ch'a fan le siale
che a san che 'n bel di, a finirà l'istà
ma a canto, sensa esse tant preocupà.

Magara, se it veule esse arcòrdà
piantà n'erbo, se it l'has en giardin
ën bel pin o 'n busson ëd giusmin
sensa domandète chi a lo cudirà,
stà pa lì afanete për fè 'l testament
ij sold a treuvo sèmper ij parent.

Ancor ëd meno fermé 'l progress
ëdcò sensa Ti a vàn anans l'istess.