Gianfranco Baron/Le còse ch'a resto
Le còse ch'a resto
[modifiché]Costa meravijosa vita che adess vivoma
a va ampinìa d'emossion ëd sentiment
cheujand tuti ij di quand ch'is dësvijoma,
alégher, con deuit, da përson-e 'nteligent.
Come ij gran ëd la coron-a dël rosari
ij di ch'at passo ch'a të smijo tuti uguaj
e alora ogni moment vivù a l'é necessari
ëd fé 'n manera për pa avei-je tal e quaj.
Col di, peui, quand it faras la conta,
ëd lòn ch'a l'é restate 'd costa vita,
còsa a l'é stàit pi bel dël sol ch'a sponta
e tanti bej seugn fàit ansema la toa cita.
At resta ëdcò col vel ëd malinconìa
për ël temp ëd cost mond pa pì vivù,
j' uciaj posà sen feuj scrit ëd na poesìa
e 'l portaritrat dla fòto 'd mè amor perdù.