Gianfranco Baron/J'euj fodrà
J'euj fodrà
[modifiché]Quand ël cheur s'an-anamora
a i-é la testa ch'a davan-a
la rason ch'at và 'n malora
e l'amor a l'é na fontan-a
d'aqua ciàira 'd sorgiss
ant un seugn ëd paradis.
Peui se a-j riva la suitin-a
ch'at dëstissa col splendor
a fan pa gnun-a meisin-a
për col mal a i é pa 'l dotor
ch'at risòlva cost problema
përchè l'amor a l'é 'n dilema.
Quand ël cheur a l'é n-namorà
ël giudissi 'nta butè a j'euj fodrà.