Gianfranco Baron/Chissà përchè

Chissà përchè

Quand it ses giov ëd camine zura le nìvole,
e it chërde che ‘l mond a sia tut a-i toj pé
gnente a l’é vera gnente; son mach ëd fàule
che con ël temp at fan capì e at fan pensé.

Quand it camine ‘n cost-a val ëd làcrime
ch' at fà vëdde, cosa it dovras abandonè
gnente dura, gnente dura, e ti it medite
ma it dismentie che cost mond dove lassè.

Chissà përchè: stoma pa con ij pé ‘n tèra
vendoma ëd fum e s’estermoma la verità
es complicoma la vita ch’a resta pì amèra
se gnente esist, gnente e forse chi lo capirà.

Chissà përchè: ‘m rifugio ‘nt mond ëd fantasia
ant un seren piasì ch' am pasia e at fà arvive
se gnente dura; gnente da ‘n vel ‘d malinconia,
ma a l’é ël mè mond, a l'é col bel seugn ëd vive.

Quand a bastria për vince le sconfòrt ch' at lassà pié
le spirit ëd l’amor, ‘n sofi d’aria pura, “chissà përchè.”