Gianfranco Baron/Còs' é-lo la vita
Còs' é-lo la vita?
[modifiché]Ricordo di Fabrizio Frizzi.
Fé quaicòs ch'a conta.
Fabrissi, a l'ha finì la soa esistensa,
un òm brilant, da col soris contagios
e mi coma tanti sòi amirator giojos,
im sento 'ndrinta bugè la cossiensa.
Mi sensa spatuss i son content
ëd arcòrdèlo e amirélo con piasì,
përchè 'n silensi a l'ha daje l'avnì
a cola masnà malavìa e soferent.
La vita ch'it vive a peul esse dura
curta, lusenta, o carià 'd miseria,
ma lòn ch'at fà la diferensa seria
a l'é se ti 't l'has spendula con cura.
J' applaus, ël sucess en bel di së smonta
ma 'n bon gest ëdcò dòp la vita a conta.