Gianfranco Baron/Avèj n' òrt des për de
Avèj n' òrt des për des
[modifiché]Des për des ëd tèra nèira la misura 'd mè òrt
a l'é 'n toch ëd paradis a chi la veuja 'd coltivelo
e se peui am fà mal la gheuba come fè a deme tòrt
a tribula 'n poch ëd pì, chi lo fà tant për felo.
Quand però a l'é primavera, e la tèra, as dësvija
e im sento drinta ch'a bugia un frisson ëd vorèj fé
e për mi che i son ëngragnà, cola tèra am bësbja
am fà pa pì mal la schin-a, a l'é ora! venta sëmnè.
Cole longhe filonghere come tanti soldatin
a son j' ortaje neuve, che tra pòch a fan ëstagion
lì, a-i é 'l frut dël mè travaj, ël mè spirit contadin
e se t'ij bagne e t'ij sapigne, ëd vërdura 'n baron!
Oh! che bel avèj l'òrt ch'a misura des për des