Gianfranco Baron/Ògn’ uss a l’ha sò tabuss
Ògn’ uss a l’ha sò tabuss
[modifiché]Cole tante persone che it vëdde për la strà
ch’a te smio contente, sensa gnun torment
a sento 'dcò la malinconia quand a sar-o cà,
‘nt un mar d’ ilusion, passà, ant ën moment.
Për lòn, guardand ancora avanti vers l’avnì,
lassand andarè tanta bela e tanta bruta storia
che ancor adess, a fà part di pian purtròp falì
ognun con sò pesant fardel carià ‘d memoria.
Corage… as duvertrà ‘ ncora n’àutra stagion
ch' at fà da spron, e at tornerà prest la volontà,
përché a l'é fàita ëd tante cite còse e d’ambission
con j’euj e col ël pensé ëd quand it jere masnà.
Mach ij cheur frèid come le tombe a san d’arciuss.
Ël corage 'd vive son ij ragg dël sol, ch'a tabusso a j’uss.