Gianfranco Baron/Ën vacansa

Artorn

---

Ën vacansa

Fòrsa fè i son piame doi di 'd vacansa
e son passà dal gamalo a fè le sgnor
riverì e cudì coma mi i fussa 'n dotor
spasëggio ij sòco dal deor a la stansa.

Tut lusent e polid, mi son fina genà,
ch'a tastà sòn-sì ch'a a l'é pròpi bon
doi cuciar e lòn-lì, 't në fas en bocon
ël let a baldachin e l'aria condissionà.

A l'e na vita parèj ch'i seugnavo d'avèla
e ora ch'i sòn-sì stà, më smìa pa la mia
meno male che doman, a l'e già fìnìa
e m'arpijo më gir, ël më té 'nt la scodela.

Che fatiga fè le sgnor,con le braje martlà
mej stè 'n braje curte 'nt ël giardin a toa cà.