Gian Gastald/La marcia dij coscrit piemontèis

Artorn a la Tàula

---

“	Fieuj partoma sentì le fanfare, con le trombe ch'a son-o dantorn, sensa gnògne 'mbrassé vòstra mare, peuj an marcia al signal dij tamborn. L'han d'anvidia le làcrime a j'euj, dij compagn ch'a në strenzo la man, su marcioma cantoma bej fieuj, rataplan,rataplan,rataplan. Difensor dla nòsta tèra, gnun nemis an fa tramblé, sentinele a la frontera, fior d'alpin e canonié, gnun ramì dla sira[1]. spalia, tribulà dal mal cadù, l'é 'l Piemont ch'a dà a l'Italia, soa pì bela gioventù. Gnun d'Italia desidera guèra, ni massacri ni sene d'oror, son l'emblema dla nòsta bandiera, la speransa, la fej e l'amor. Ma col dì che n'ariva 'd difende, col bon drit ò l'onor d'italian, i l'avroma 'd coragi da vende, rataplan,rataplan,rataplan. Difensor dla nòsta tèra, gnun nemis an fa tramblé, sentinele a la frontera, fior d'alpin e canonié, gnun ramì dla sira spalia, tribulà dal mal cadù, l'é 'l Piemont ch'a dà a l'Italia, soa pì bela gioventù.	”
—Mùsica ëd R. Cuconà - Test ëd G. B. Gastaldi (Tito Livido)

Nòte

1. A smija che 'l test original a dis gnun ramì dla cera spalia e nen gnun ramì dla sira spalia. La cera a Turin a veul dì la facia, ël vis, ël mor, a sarìa che gnun a l'é 'n rachìtich (ramì) con la facia bianca. Ma 'nt la Provinsa ëd Coni, an particolar ant ël salussèis as dis ancor sira sémper con l'istess sust. Donch a livel lessical a peulo esse giuste tute le doi le version. Contut a tocrìa controlé na stampa dla vërsion original.

---