Giampiero Cavarero/Alpin
Alpin
[modifiché]A quìcia pian ,la caden-a
ch’a sara j’arcòrd gram
andrinta un fassolét ëd lerme amare……
Possa’ dal vent, a piora la caden-a
për col sangh giov e fòrt
spatarà sle patrie montagne………….
A piora anche ‘l temp
për coj euj sincer e rijent
ch’a seugnavo ‘l sol ëd la vita………
Trames erbe sëcche e rochere sagrinà
solenga a sangiuta l’adoss ,
mentre col sangh nonsent
a bagna con tut sò calor
Fior tërmolante dë stèile alpin-e!
25/04/2009