Giampiero Cavarero/A pieuv

A pieuv

Perle ‘d lun-a a arsàuto,a s-ciòpëtto
Sbrincianda d’antorn tòch d’arcancel sbalucant…
A balo,fantastiche,còrendse dapress
Con la nossensa dj cit ch’a gieugo content..

A pieuv sota la scura nivoren-a
Crasà da un cel ëd piomb,
specc rot ëd mè ùltim vive…

Ma l’ànima mia a gòd ancora dl’ària pura,
lusor ëd lòsne sbalucante a rubato
ansima pensé gram e arnos
fasand bërluse artaj ‘d temp passà…

Ma ‘l fil ëd la memòria a cròchëtta ancor
Tèile d’aragn archincà
Da perle ‘d lun-a!!