Giampiero Cavarero/A passa 'l temp

Artorn

---

A passa 'l temp

Set citin, sul calendari,
a marco ‘l temp che lest a passa
e mi i marco sl’ëscartari
ij magon che lor am lasso......
quat madame, an vesta rossa,
la fila a saro bin da bin
e la gòj, ch’a l’é pi’ dossa,
la spartisso dai sagrin.....
dodes barba a son ij mèis
che,giutà da le stagion,
a n’arlevo tuti ij pèis
dij fastudi e dij magon !!!
a na fan na gran sacà
che l’ann vej dla barba bianca
a spatara ant l’infinì
andova ‘l pare dël creà
a n’aspeta a l’ùlti di........
a passo j’ore… a passa ‘l temp
an sla tera sempre an pressa,
ma su an cel ansema al vent,
mach ël bin, col ch’anteressa!