Gemma Cattero/Nebia

Da Wikisource.
Jump to navigation Jump to search

Artorn

Nebia[modifiché]


Tendagi spess ëd nebia:
as vëd pi nen la stra.
j’erbo vijor dla sèira
àusso ij sò brass
sërcand la lun-a.
sento ‘l respir dla neuit…
Slargo le fnestre dl’anima
e deurvo l’uss dël cheur:
it serco…
A l’ha pa d’euj tò sguard
né boca toa paròla,
epura ti t’em ciame
da col profond ëd gnente.
Slongo ‘nt ël veuid mia man
e it treuvo, Poesia!