Gemma Cattero/Grassie

Artorn

Grassie

Gràssie, bel cit,
combin ch'it am fase dané
gràssie
quand che anvece d'amprende
të scape për gieughe...
Ti mè cit ëscolé
mé gran magister
t'am mostre la bontà!
Gràssie dl'amor
ch'it am daghe
dla bin ch'it am veule.
Ti 't sas nen lese e scrive
an sij liber dë scòla,
ma 't sas lese
ant ij cheur
e quand ch'it am gave j'uciaj
për vëdme ant j'euj
se mi 't veuj bin
ti 't ses pì nen ti,
ma 't ses Gesù Bambin!