Gemma Cattero/Ancora 'l vent

Artorn

Ancora 'l vent

Ancora 'l vent a sofia
për ës-cianché
j' ultime feuje
aj branch ëd biola...
Për vaire otogn ancora
l'antich arpetse?
Feuje ch'a danso
come d'arcòrd ch'a luso
ant ël trionf ëd tinte
d'un-a stagion si bela!
Otogn e prima
e torna prima e otogn...
e chiel a-j conta, ël vent,
mi i veuj pì nen conteje
veuj mach pì vive
për ëspeté ch'a rivo
gòdje e saluteje
quand as na van
con un "arvëdse!"