Fiorenza Sulliotti/La cun-a e la cros
La Cun-a e la Cros
[modifiché]La Cun-a e la Cros:
ël Cit ch’a-i é drinta
e l’Òmo pendù
a smija ch’as guardo,
as parlo fra lor.
La Cesa a l’é veuida.
“A l’é tut perdù?”
Na pòrta as duverta:
a-i intra na nòna
con una masnà
Ël cit anciarmà
a varda ‘l Bambin
e sensa parlé
a-j manda ‘d basin.
La nòna an ginoja varda la Cros,
a-j dis sò sagrin.
Ël cheur as confòrta.
La Cros a l’é lus,
l’é lus e speransa.
“Nen tut l’é perdù”
as diso ël Bambin
e l’Òmo pendù