Ferdinando Viale/Anime sôñbre

Da Wikisource.
Jump to navigation Jump to search

Artorn


Anime sôñbre[modifiché]

Anime sôñbre côrme d’eresìa
ch’i vegete sbefiand la brava gent
e i seve mach grignè cinicament
s’av parlô ’d gentilëssa e ’d poesìa...
Cos i la peñsse adess, mentre as dësvìa
sta neuva ôndà giôiôsa ’d sentiment
ch’an deurv un ôrisônt tut bërlusent
tocand ël cheur ’d l’umanità scrussìa?
Guardeve mach d’antôrn... Ogni fiôchet
ch’a spôñpa ’nt so candor l’è ’na nöañssa
ch’a signa ’na prômëssa e na sperañssa
e an dis côñ ’na fañfara ’d flagiôlet
ch’a j è ’na brava mare biceriña
pi fiera e pi côntenta ’d na regiña
e ’n ratatôi ch’a s’agita, a sgambita
già côñ l’añvija d’esôrdì ’nt la vita!