Ezio Briatore/Mi a dmoreme

Da Wikisource.
Jump to navigation Jump to search

Artorn


Mi a dmoreme...[modifiché]

Mi a dmoreme 'nt la cort
e mè pare a scarpiné
për porténe na brancà
'd pan e spùa
e mia mare a fé quadré
na giorna dré 'd na giornà
a studié sul potagé
la lession dël minestron

- monta 'n ca, lasaron - doman
't vèghi la maestra...! -

'l nas 'nsima al lìber
e la testa fòra 'd ca
a ciapé grij e laserde
a possé 'n balon dë strass

- mama, j'heu finì - peuss-le seurtì? -
- ma si t'é pen-a ruvà! -
- sta tranquila, j'heu studià -

e prima ch'a podèissa arbate
j'ava già sautà le scale
e corava 'n mes al prà.