Enea Ribatto/Salm

Da Wikisource.
Jump to navigation Jump to search

Artorn


Salm[modifiché]

Nosgnor
fà che toe man a sìo sempe dëstèise
dzura nòsta testa.
Fà ch'i sìo sempe
branch ed sales ëd gënestra
che 's piego dosman
al vent ëd tò vorèj.
Fà che 'l drapò
'd nòsta tèra e 'd nòsta gent
a svàntola sempe àut pì àut
lusent
novel arcansiel aranda le stèile
biautant aquilon ant le ven-e dël vent.
Fà che ancreus a nòst cheur ëd gent montagnin-a
brandé dij seugn e lenghe acablà
la vos arcërmanta 'd nòstri Cé a disa sempe:
"Amevi j'un j'àutri".
Fà quand ch'a ven-a nòstra ambrun-a
che la stra a sia pian-a
anluminà da la lun-a
che j'eve a sìo chete
per ch'i peusso dun-a
sl'àutra sponda trovete.