Elisa Revelli Tomatis/gangaj dl'ann
Gangaj dl'ann
[modifiché]Cel dë stagnòla
la neut tuta për noi,
dësgramislà la lan-a,
dl’ann mach un gangaj,
ma slë strassèt
sògn a pont e cros
na lerma quacia na filosela ’d gòj.
Fuman ël caramel
për un bonèt,
cicòto ij martinsèch
con ciò ’d garòfo e vin...
Un gieu sa lun-a
ëntrapà al frà:
a taca a fé dësdesi, a baloté ’n sarvan.
A l’improvis l’auròra
as para ’d cel aram...
o l’é ’n gangaj
a ’mpërzoné ’l gasoj
dl’ann masnà.
Elisa Revelli Tomatis
1) gangaj = cheur dël gramissel; 2) filosela = bindel; 3) dësdesi = malfàite;
Da «Spovrin», edission «Ël Pèilo» 2009