Dumini Badalin/Ginòta

Artorn

Ginòta

Passava con ël vachi sot ai mor
e su 'nt ël vi Ginòta, stamatin,
'nt ël cheuji l'erba për ij soj lapin,
o la cantava na canson d'amor.

Con 'sa vos sempri bela da scoté,
son iludimi pròpi che Ginòta
la cantèissa për mi, coma la vòta
ch'j'ava jità 'l sò vegg a vandumié.

Peu 'l sò mat l'ha ciamala dai filagn
e la sò bela vos o l'ha chitami.
Con ël vachi për man son anviarami,
lassanda là j'arcòrd dij mé vint agn.