Domenico Torta/Imn dij piemontèis a lë strangé

Artorn

---

Imn dij piemontèis ant ël mond

Quaidun ëd noi a parla Fransèis o American
e pòchi a conòsso paròle an italian
a gnun ëd noi për boneur
l'ha dësmentià paròle bele e care sentie da masnà
Noi soma ëd Piemontèis
ën gir për tut ël mond
e an drinta al cheur portoma 'n tòch dël nòstr Piemont
S'a j'é da fé 'd ribòte 's tiroma pa andaré
ma dur l'é stene a bòta sa j'é da travajé ën gir as dis
che noi soma ëd bogianen ma ciuto noi rivoma 'n doa j'aitr a fan ciadel
Noi soma ëd Piemontèis ën gir për tut ël mond
 an drinta al cheur portoma 'n tòch dël nòstr Piemont
An tut ël mond truvoma 'd pais fondà da noi
le vigne a profumo dël vin dël nostr Piemont
ma an drinta al cheur noi portoma 'l ver Piemont
la tera dij nòstr pare con tuti ij seugn pì bej
Noi soma ëd Piemontèis ën gir për tut ël mond
e an drinta al cheur portoma 'n tòch dël nòstr Piemont.