Document dla fej cristian-a/Dossologìe

Artorn

Gloria in excelsis

Glòria a De ant ij leugh motobin àut e pas an tèra antra j’òm che Chiel a gradìss. Nojàutri at làudoma, at adoroma e at doma glòria, at disoma grassie për la granda toa glòria. Signor De, Re dël cel, Pare tut potent, Signor Fieul unigènit, Gesù Crist, Signor e De, Agnel ëd De, Fieul dël Pare. Ti ch’it tire via ij pecà dël mond, àbie pietà ‘d noi. Ti ch’it tire via ij pecà dël mond, scota nòstra orassion. Ti ch’it ëstas setà a la drita dël Pare, àbie pietà ‘d noi. Përchè mach Ti’t ses sant, mach Ti ‘l Signor, mach Ti motobin àut, Gesù Crist, con l’Ëspìrit sant, ant la glòria ‘d De Padre. Amen.

Glòria

Glòria al Pare, al Fieul e a lë Spìrit Sant, tanme ch’a l’era al prinsìpi, a l’é ora e a sarà sèmper, ant ij secoj dij secoj. Amen.

Sanctus

Sant, sant, sant a l’é ‘l Signor ëd l'univers: ij céj e la tèra a son pien ëd toa glòria. Osana ant ij leugh motobin àut! Benedì a l’é Col ch’a ven ant ël Nòm dël Signor!

Te Deum

Nosgnor! Nojàutri it laudoma, it confëssoma. Ti, Pare etern, tuta la tèra a onora. A ti j’àngej tuit; a Ti ij céj e le potense; a Ti ij cherubi-n e ij serafìn, a canto con vos contìnua: Sant, sant, sant, a l’é ‘l Signor, Dé dl'universz; ij céj e la tèra a son pien ëd toa glòria. Ël glorios còro dj’apòstoj, dij profèta e 'l laudàbil ëstrop dij màrtir ël candi esèrcit, at làuda. An tuta la tèra la santa Cesa a confëssa Ti, o Pare ‘d maestà sensa mzura, ansema al adoràbil Tò ver e ùnich Fieul. E lë Spirit Sant ch’a consola. Ti ‘t ses ël Re dla glòria; Crist, Ti dël Pare ‘t ses ël Fieul etern. Ti, për delivré l’òm it l’has nen avù afror dël vènter ëd na virgin. Ti, vinciùa ch'it l'has la mòrt, it l’has duvertà aj chërdent ël cél. Ti ‘t ses sëtà a la drita ‘d Nopsgnor ant la glòria dël Pare. Da ‘ndova i chërdoma che Giudes it torneras. Për cost motiv nojàutri it suplicoma ‘d giuté ij tò serv che’t l’has riscatà con tò sangh. Fà che, ansema ij tò sant ant l’eterna glòria nojàutri i sio contà. Fa ch’a sia salv, ò Signor, Tò pòpol. Benedìss Toa ardità, guèrnala, susten-la fin-a a l’eternità. Tùit ij dì i benedissoma e laudoma Tò Nom për ij sècoj. Compiass-te, Signor, an cost dì, ‘d conservene sensa pecà. Abie pietà ‘d nojàutri. Ch’a ven-a, Signor, toa misericòrdia an sù noiàutri ch’i l’oma sperà ‘n Ti, Signor. Fà ch’i sia nen confus an etern. Amen.