Dario Chioli/I j’era rivà na sèira

Da Wikisource.
Jump to navigation Jump to search

Artorn


I j’era rivà na sèira[modifiché]


I j’era rivà na sèira,
a j’era gnun,
la lun-a an cel
pì gnun a la guardava.
Mi i son setame sota,
ant la mia piassa,
an s’na giòstra dij cit,
e i la girava,
e mi i girava con chila
e j’euj aussava,
e i sentìa ch’am portava drinta un mar,
un mar d’amor, un mar ëd lontanansa,
mar dla lun-a e dle stèile,
amor dla tèra.

1.III.1976