Concetta Prioli/Viandant
Viandant
[modifiché]Na giojera t’anciarma: ògni canton
na tentassion.
Ma a ti, viandant,
ch’it peule gòde gnente ’d col incant
dël mond, përchè quajdun a l’ha ciamate
e peui smentiate,
ël véder frèid
të sghija sot ij dij ch’at ven-o rèid
për ël possé incontra na bariera
ch’a l’é legera,
ma l’è sbefiarda
përchè a taja fòra chi ch’a varda.
’T ses ribelate, sì, ma ti ’t ses nà
për sté dë ’d sà.
Për ti, në s-ciav,
ël mond a stà ’n giojera a gir ëd ciav.