Carlo Ellena/Sercand poesìa

Da Wikisource.
Jump to navigation Jump to search

Artorn

Sërcand poesìa[modifiché]

(An vers antich irlandèis)

Sperdù ant ёl desert pì azerb – dl’anima mia
a j’é ‘n folèt amis ch’a cor – e a l’ha n’anvìa

anvìa ‘d trové trames l’arsùit - e la ramaja
na cita fior candia, molsin-a - ma dcò servaja

che ‘nt l’ora fòrta dj’ilusion – a l’era përdusse
dzora le strà d’un mond busiard – pien ëd ponte aùsse

e mè folèt a cor sërcand – sa fior passìa
piorand lerme ‘d cristal a va – sugnand…poesìa.

10 gennaio 1989