Carlo Dardanello/J'era 'l vòl

Da Wikisource.
Jump to navigation Jump to search

Artorn


J'era 'l vòl[modifiché]

J'era 'l vòl ën sla piassa 'd pera
dov ij brich saluto n'atr cel,
j'era 'l vent ch'o bogiava l'ombre
j'era 'l vent ën sle ghigne foinuve.
Un pais lì lì për frané
da vint agn. J'heu balà cola sèira
- j'era 'l vòl - da pì nen senti ij pé
e sla piassa passavo la sira
e la gent cioca da festa...
sbatìo l'ale 'n sla piassa 'd pera.