Carlin Porta/Un cavèj gris

Artorn

---

Un cavèj gris

Pensand a nòstra càuda gioventù
a spass tra lèje sombre e përfumà
la man an man content dël temp përdù
an soven una caviera bin butà.

J'euj lusent come doe stèile vive
cantavo la gòj 'd na bin pen-a nà
e la pel còtia con gnun-e gravure
a l'era frësca come la rosà.

Ma 'nt un moment che 's vorìo 'na gran bin
l'àutra sèira 'nt la pas dla nòstra stansa
ravioland tòi cavèj fin da vej amis

ëd bòt an blan a l'ha frapame 'n mes sagrin
e tornand andré 'nt ij bej dì dla dansa
l'hai vist passé ij dosseur ant un cavèj gris.