Carlin Porta/Tra mi e mi, i son dime
Tra mi e mi, i son dime
[modifiché]Ma pensa un pò al di dël tò trapass
che gròss magon ch’it deve digerì,
la santa poesìa a chitrà ’l pass
e mach pì quaidun as n’arcordrà ’d ti.
Dal bleu dël cel, a cantran bele stèile
për remërsié dle rime ch’it l’has daje,
seugn d’incant a drocran su le parpèile
për compagnete ant un neuv mond ëd faje.
Për là, it trovras j’amis ch’a l’han lassate
cujend con lor, la fior d’eternità
che con boneur a ti a l’han passate.
Fate corage, e pijtla nen acsì,
gòd la vita dël bel e brut ch’at dà,
peui…dajla al destin për fejla finì.