Carlin Porta/Temp d'antan

Da Wikisource.
Jump to navigation Jump to search

Artorn


Temp d'antan[modifiché]

Ch'a l'é bel e 'nciarmant sente conté
ij moment ëd vita d'un temp passà,
bon ben grev, ma corm ëd gran poesìa,
ch'arbato 'ndrinta ai cheur dël mond d'ancheuj.
Bele se la vos elo nen tant veja,
as fà prest capì la corsa dël temp
che 'nt un bat d'ala d'ani a l'é cambià
ansema al cens ëd minca di dla gent.
Arcòrd d'antan e fosonant e sclin,
piror a seurto dai làver sincer
e ben satì 'd gòj ëd Granda Lussìa.
Moment ch'a fan pensé a nòstra vita
e capì d'amblé ch'a fà gòj scoté,
sensa avèj la pressa fòla a le trosse
la veja vos ch'a canta l'umiltà!