Carlin Porta/Serenità

Serenità

Che bel esse malavi ëd serenità sincera
tant da podèj fé a pugn con j’anvije dla tèra
për contentesse dla bin che l’ànima a smon
ant ij moment che miraco a smijo top.

Tròp sovens col ëd sentisse sbors ant j’òss
a l’é mach tuta colpa dël malcontent
che insistent a tamborna andrinta al cheur
crasand ij sentiment pì dlicà dl’amor.

Podèj rivé a l’avèj mach lòn ch’a conta
për nen esse ant la tribulassion pì nèira
e nen pretende ëd pijé la lun-a ant ël poss.

Podèj savèj gòde ij moment ëd la bin
che minca di, dru a nasso andrinta a l’òm
e porteje al giust but për l’eternità.