Carlin Porta/Senté Monfrin

Da Wikisource.

Artorn


Senté Monfrin[modifiché]

Senté sperdù për la campagna,
carià dal pèis dij paisan
ch’a të scarpiso sensa sagna
për guadagnesse ’n tòch ëd pan;
i cante na canson novela
combin ch’i l’abie tanti agn
për dé ’l boneur a na marela
filà con sust e sensa afann;
i slume le pianà dasiante
dij vej monfrin ardì e fòrt
e ansema a lor, d’achit i cante
ël gran consert dij tròpi tòrt;
i l’eve mnà ’d temp bon ben trist,
doleuri… e sensa lamenteve,
che ’d ravage i l’avreve vist
e chissà vàire i na vëdreve;
pòche a son vòstre arzorse bele
ch’av pasio dal pèis cru ch’i pòrte,
a son pa ’d sòld, son pa d’ofele,
ma mach ëd canson pa ancor mòrte.