Carlin Porta/Saralo parèj ël paradis

Artorn

---

Saralo parèj ël paradis?

(Quatr pass an Val d’Osta)

Apress d’avèj ciapà për un senté
ch’a pòrta su, anver na mulatera
arbesta e drita, arfudà dai muj,
i son trovame, come ’nt un bel seugn,
ant un bòsch frèsch e motobin tranquil.

Una pinera sërvaja-zolìa
anrosarà sensa sòrt dë spatuss
e për nen genà da butesse ’n mostra,
da ’d bej brusson fiorì reusa ’ncarià.

Che blëssa, sentse ambrassà da sa gòj
mossanta, sempia e dël tut gënita
dòp d’avèj bufà e sbanfà su për ël ròst.

Midema a l’é la vita, se sincera,
onesta e corma ëd bon sentiment :
travaj, sagrin, tra pior e gran grignade…
për trové, a la fin ëd nòstra corsa,
la delissia ’d col Paradis nunsià.