Carlin Porta/Për la stra dël Rè

Da Wikisource.
Jump to navigation Jump to search

Artorn a la tàula


Për la stra dël Rè[modifiché]

It l’has compagname ant ij mè curt pass
bela parpajòla color tané
trament ch’i ’m n’anadasìa për senté
dont un temp a-i passava fin-a ’l Rè.

Forse, mincatant it dasìe ’l cambi
con n’àutra parpajòla pagna a ti,
ma ’l vòl ch’am compagnava a m’argalava
col tant da sente ’l mè pass meno grev.

Combin che costa mulatera a sia
scasi tuta a l’ombra e bin cudìa,
a l’é arbesta tant ch’a fà sbanfé,

ma la veuja ’d gòde frèsch e natura
a l’é talment granda ch’a fà smentié
la fatiga dle gambe e dij pé.