Carlin Porta/Filosofé sota a la pieuva
Filosofé sota a la pieuva
[modifiché]Ant un ciòm, nen pì largh che na brassà,
frësche e mineuje a tombo giù le stisse,
cangianta d’incant, la pieuva ch’a neuja
a l’é na volà d’argente farfale.
Ant col bal trasparent ch’a soagna j’euj,
a noa mia gòj, dosseur dël sempi,
e lassandse cuné dal giust silensi
a van an serca dël sust ch’a l’é stërmà.
Ma cost moment d’anciarm sissè chiet
ch’am fà alvé ant un chërsent ëd bin,
ëd bòt an blan, l’é bolversà ant ël nen.
A pijo ’d travers, le stisse farfale,
tant che ’l verd fojagi sgiaflà dal vent,
am fà svanì l’incant creasse an mi.